Սև Օհանյանն ու Մադլեն Շարաֆյանը՝ 2026-ի «Օսկար»-ում

Հայկական ներկայությունը 2026 թվականի «Օսկար» մրցանակաբաշխությանը չափազանց ոգևորիչ է․ առաջադրված են պրոդյուսեր Սև Օհանյանը և ռեժիսոր Մադլեն Շարաֆյանը։  Բացի այդ, Օհանյանի «Մեղավորներ» ֆիլմը դարձել է «Օսկար» մրցանակի պատմության բոլոր ժամանակների ամենաշատ՝ 16 անվանակարգերում առաջադրված ֆիլմը։ Օհանյանի համար այս առաջադրումը պատմական հանգրվան է, քանի որ նա առաջին հայազգի ամերիկացին է, որն առաջադրվել է «Օսկար» մրցանակաբաշխության «Լավագույն ֆիլմ» անվանակարգում։

Մադլեն Շարաֆյանը երկրորդ անգամ է առաջադրվել «Օսկար» մրցանակի՝ Disney/Pixar-ի ELIO անիմացիոն ֆիլմի ռեժիսորական աշխատանքի համար։ Ֆիլմի համառեժիսորներն են Դոմի Շին և Ադրիան Մոլինան։ ELIO-ն Մադլեն Շարաֆյանի լիամետրաժ ռեժիսորական դեբյուտն է։ Այս աշխատանքով Շարաֆյանը դարձել է լիամետրաժ ֆիլմ նկարահանած առաջին հայ և երրորդ կին ռեժիսորը Pixar-ի պատմության մեջ։