Բացառիկ ու մշակութային բացահայտումներով լի Վենետիկի 82-րդ կինոփառատոնն ավարտվեց
Վենետիկի 82-րդ կինոփառատոնն այսօր հատում է եզրագիծը: Փակման հանդիսավոր արարողության ընթացքում դափնեկիրներին շնորհվեցին «Առյուծներ» մրցանակները: Ռեժիսոր Ջիմ Ջարմուշը տուն է տարել «Ոսկե առյուծ» մրցանակը իր «Հայր, մայր, քույր, եղբայր» ֆիլմի համար, մինչդեռ Շին Ժիլեյը պարգևատրվել է որպես լավագույն դերասանուհի «Արևը ծագում է մեզ բոլորիս վրա» ֆիլմում դերակատարման համար, իսկ Թոնի Սերվիլոն ստացել է «Լավագույն դերասան» մրցանակը «Լա Գրացիա» ֆիլմի համար:
2023 թվականին Յորգոս Լանտիմոսը և Էմմա Սթոունը «Ոսկե առյուծ» մրցանակ էին ստացել «Աղքատ բաներ» ֆիլմի համար: Նրանք այս անգամ Վենետիկ էին վերադարձել իրենց նոր՝ «Բուգոնիա» ֆիլմով, որի պրեմիերան տեղի է ունեցել օգոստոսի 28-ին: Մեծ հետաքրքրություն է առաջացրել Գիլերմո դել Տորոյի «Ֆրանկենշտեյնը»՝ Օսկար Այզեքի և Ջեյքոբ Էլորդիի մասնակցությամբ: Ֆիլմն արժանացել է 13 րոպեանոց ծափահարությունների: Հիմնական ֆիլմերի շարքում են Քեթրին Բիգելոուի «Դինամիտի տուն» քաղաքական թրիլերը: Գաս Վան Սանտի «Մեռյալի մետաղալարը» ֆիլմը (արտամրցույթ) և մրցութային եռուզեռի մեջ մտնող «Կոտրող մեքենան» ֆիլմը:Մրցութային ծրագրում կայացել է նաև Մոնա Ֆասթվոլդի «Անն Լիի կտակը» մյուզիքլը, որի գլխավոր դերերում հանդես են եկել Ամանդա Սեյֆրիդը և Լյուիս Փուլմանը:
Կինոռեժիսոր Գիլյերմո դել Տորոն՝ «Ֆրանկենշտեյն» ֆիլմի պրեմիերային
Գերմանացի լեգենդար կինոռեժիսոր Վերներ Հերցոգը՝ «Ոսկե Առյուծ»
պատվավոր մրցանակի դափնեկիր
Հոլիվուդյան «ոսկեդարի» կինոաստղ Քիմ Նովակը՝ պատվավոր մրցանակի դափնեկիր
Ֆրենսիս Ֆորդ Կոպպոլան՝ պատվավոր մրցանակը Վերներ Հերցոգին հանձնելիս
