Մեծ էկրան կբարձրանա Տիգրան Մեծի մասին առաջին փաստագրական ֆիլմը
Հայոց արքայից արքա Տիգրան Մեծին ու նրա ժամանակաշրջանը ներկայացնող «Տիգրան Մեծ. Արևմուտքի եւ Արևելքի միջև» առաջին փաստագրա-խաղարկային երկսերիանոց ֆիլմի նկարահանումներն ավարտվել են նախորդ տարեվերջին։ Ավելի քան տասը տարի տևած նախապատրաստական փուլում նկարահանող խումբն աշխատել է միջոցների հայթայթման, ռեկվիզիտի ձեւավորման, սցենարի մշակման ուղղությամբ։
Ֆիլմի ստեղծման ընթացքը միավորել է Հայաստանի, Ֆրանսիայի, Իտալիայի, Միացյալ Նահանգների, Ռուսաստանի, Իրանի կինոմատոգրաֆիստներին։ Բազմազգ դերասանական կազմը, Տիգրան Մեծի կերպավորմամբ, գլխավորում է Ալեքսանդր Խաչատրյանը։
Ֆիլմի ռեժիսոր Վահագն Վարդանյանը, պրոդյուսեր Տիգրան Մանասյանը սցենարի ամբողջացման համար աշխատել են հնագետների ու պատմաբանների հետ, իսկ կոմպոզիտոր Անդրանիկ Բերբերյանը դիմել է ազգային ու սիմֆոնիկ տարրերի համադրման մեթոդին եւ կիրառել կելտական կառնիքսն ու հայկական դուդուկը։
Տեսանյութը՝ YouTube-ից
Գունային կարգավորումից և ձայնավորումից հետո ֆիլմն այս տարի կբարձրնա մեծ էկրան։
Պատրաստեց Նանա Պետրոսյանը