Երկու շաբաթից մեկնարկող Կաննի կինոփառատոնի ժյուրին կգլխավորի ամերիկուհի Գրետա Գերվիգը՝ «Լեդի Բըրդ» և «Բարբի» ֆիլմերի ռեժիսորը։ Կաննի կինոփառատոնը արդեն 77-րդն անընդմեջ կանցկացվի մայիսի 14-ից 25-ը Լազուր ափին։

«Ընդամենը տասնհինգ տարվա ընթացքում Գրետա Գերվիգն անունն է ձեռք բերել ամերիկյան և միջազգային կինոյում: Նրա վերջին «Բարբի» ֆիլմը (2023) դարձավ համաշխարհային մշակութային ֆենոմեն և տարվա հիթ»,- ասվում է փառատոնի կազմակերպիչների հաղորդագրության մեջ։

Բացի Գերվիգից, կինոփառատոնի ժյուրիի կազմում կլինեն ևս ութ հոգի` չորս կին և չորս տղամարդ, այդ թվում՝ ֆրանսիացի դերասանուհի Եվա Գրինը և ճապոնացի ռեժիսոր Հիրոկազու Կորեեդան։