Աննախադեպ երևույթ է, երբ Հայոց Ցեղասպանության մասին պատմող ֆիլմը, որտեղ ներկայացված են հայ, ասորի և հույն ժողովուրդների ցեղասպանության ականատեսների վկայությունների և հուշագրությունների փաստագրություններ, Թուրքիայի Անատոլիական միջազգային կինոփառատոնում (International Anatolian Film Awards (AFA) մրցանակներ են ստանում։
«Ամերիկացի բարի սամարացիները» ֆիլմը (ռեժիսոր՝ Արա Մնացականյան, արտադրությունը՝ «Ման Փիքչերս Փրոդաքշեն», Հայաստան) արժանացել է «Ֆիլմի Լավագույն երաժշտություն» (Արտաշես Քարթալյան) և «Ֆիլմի Լավագույն պրոդյուսեր» (Մանվել Սարիբեկյան) մրցանակների:
Սա արդեն թուրքական երրորդ կինոփառատոնն է, որտեղ ֆիլմն ընդգրկվել է մրցութային ծրագրերում: Նախորդ երկուսի արդյունքները դեռ չեն հրապարակվել, բայց երևույթն ինքնին արտառոց է: