Հայտնի է Մայքլ Ջեքսոնի մասին ֆիլմի գլխավոր դերակատարը

Հայտնի է Մայքլ Ջեքսոնի մասին կենսագրական ֆիլմի գլխավոր դերակատարը։ Ըստ Deadline-ի՝ փոփի արքային կմարմնավորի նրա եղբորորդին՝ Ջաֆար Ջեքսոնը․Մայքլի եղբոր և «The Jackson 5»-ի անդամներից մեկի՝ Ջերմեյն Ջեքսոնի 26-ամյա որդու համար ֆիլմը կլինի նրա դեբյուտը կինոյում։

Ջաֆարը երգում և պարում է 12 տարեկանից։

Կենսագրական ֆիլմը ներկայացնում է Ջեքսոնի կյանքի և աշխատանքի կարևորագույն իրադարձությունները՝ սկսած նրա մանկությունից որպես «The Jackson 5»-ի վոկալիստ, եղբայրների հետ միասին: Ֆիլմում հիշատակվելու են նաև մանկապղծության մեղադրանքները, որոնք հետապնդել են երգչին կյանքի վերջին տարիներին։

Ֆիլմի ռեժիսորն է Անտուան ​​Ֆուկուան։ Սցենարը գրում է Ջոն Լոգանը, իսկ պրոդյուսերը՝ Գրեհեմ Քինգն է: Երկուսն էլ միացել են նախագծին զարգացման վաղ փուլերում։