Վարձույթի տվյալներով, Տարանտինոյի «Մի անգամ Հոլիվուդում» ժապավենը ամենահաջողվածն է
Քվենտին Տարանտինոյի «Մի անգամ Հոլիվուդում» ֆիլմը դարձել է ռեժիսորի ամենահաջողված ժապավենը՝ ըստ վարձույթում հավաքած գումարի: Տարանտինոյի թվով 9-րդ կինոժապավենն առաջին հանգստյան օրերի ընթացքում 40 մլն դոլար է հավաքել։ Այս մասին գրում է Variety-ին:
Աղբյուրը նշում է, որ ֆիլմի հաջողությունը պայմանավորված է հատկապես դերասանների աստեղային կազմով, որոնց թվում են Բրեդ Փիթը, Լեոնարդո դի Կապրիոն և Մարգո Ռոբին, ինչպես նաև քննադատների դրական արձագանքով:
Ֆիլմը պատմում է հայտնի ռեժիսոր Ռոման Պոլանսկու կնոջ՝ Շերոն Թեյթի (Մարգո Ռոբբի) սպանության մասին, որը 1969-ի օգոստոսին կատարել են սերիական մարդասպան Չարլզ Մենսոնի հետևորդները:Ֆիլմի գլխավոր հերոսներն են հեռուստատեսային վեսթերնների նախկին աստղեր Ռիկ Դալթոնը (Լեոնարդո դի Կապրիո) և Քլիֆ Բուտը (Բրեդ Փիթ): Ալ Պաչինոն կատարում է գործակալ Մարվին Շվարցի դերը: