Հոլիվուդյան ռեժիսոր Քվենտին Տարանտինոն նախատեսում է նկարել իր տասներորդ ֆիլմը, որով էլ կավարտի իր ռեժիսորական կարիերան։ Այս մասին Տարանտինոն ասել է Մոսկվայում՝  «Մի անգամ Հոլիվուդում»  ֆիլմի ռուսաստանյան պրեմիերայից առաջ կայացած ասուլիսում։

«Ես ավելի վաղ ասել եմ, որ ուզում եմ տասը ֆիլմ նկարել: «Մի անգամ … Հոլիվուդը» իմ նախավերջին ֆիլմն է: Չգիտեմ, թե վերջինը ինչ կլինի, բայց ես ուզում եմ պատրաստել ծավալուն կինոնկար, որը կդառնա իմ նախորդ ֆիլմերի անթոլոգիան»,- ասել է Տարանտինոն:

Հիշեցնենք, որ ավելի վաղ ռեժիսորն  հայտարարել էր կինեմատոգրաֆից հեռանալու իր որոշման մասին։ Միաժամանակ նա հայտնել էր, որ չի պատրաստվում ամբողջությամբ թողնել ստեղծագործելը։ Նրա ծրագրերում է ստեղծագործական աշխատանքը շարունակել թատրոնում, նաև զբաղվել գրական գործունեությամբ։

 

 


Շոն Բեյքերի «Անորան» և դերասաններ Կարեն Կարագուլյանն ու Վաչե Թովմասյանը Կաննում են

Ամերիկյան անկախ կինոյի ներկայիս լավագույն ռեժիսորներից մեկի՝ Շոն Բեյքերի նոր ֆիլմը «Անորա»-ն Կաննի 77-րդ միջազգային կինոփառատոնի հիմնական մրցութային ծրագրում է։...