Կինոռեժիսոր Գիլերմո դել Տորոն Հոլիվուդի Փառքի ճեմուղում անվանական աստղ է ստացել և այն նվիրել բոլոր ներգաղթյալներին։ Այս մասին հայտնում է kinopoisk.ru -ն։

«Շատ կարևոր է, որ այս ամենը տեղի է ունենում այժմ, որովհետև ես կարող եմ ասել ձեզ՝  բոլոր ներգաղթյալներիդ, դուք պետք է հավատաք հնարավորություններին, այլ ոչ թե խոչընդոտներին, մի՛շտ»,- ասել է մեքսիկացի ռեժիսորը։

«Մի՛ հավատացեք այն ստերին, որոնք նրանք մեր մասին ասում են: Հավատացե՛ք պատմություններին, որոնք մեր մեջ են, և հավատացե՛ք, որ մենք բոլորս կարող ենք շտկել իրավիճակը, և մենք բոլորս ունենք պատմություններ, և բոլորս կարող ենք ներդրում ունենալ այս աշխարհում»,- ասել է նա՝  ծածանելով իր անվանական աստղի վրա Մեքսիկայի դրոշը:

Հիշեցնենք, որ ռեժիսորի «Ջրի ձևը» ֆիլմը 2018 թվականին արժանացել է «Օսկար» մրցանակի «Լավագույն ֆիլմ» անվանակարգում։

 


«Բարեփոխելով աշխարհը»․Հեռուստահաղորդումների և կինոյի անդրանիկ փառատոնը  

«Ավրորա» ֆորումի շրջանակում Երևանում կանցկացվի «Բարեփոխելով աշխարհը» հեռուստահաղորդումների և կինոյի անդրանիկ փառատոնը: Փառատոնի լավագույն ֆիլմերը և հեռուստանախագծերը hոկտեմբերի 15-ին և...

|12 Հոկտեմբեր 2019,14:58