Festival de Cannes-ը որոշում է ընդունել լեգենդար  Ալեն Դելոնին պարգևատրել փառատոնի Պատվավոր «Ոսկե արմավենու ճյուղ» մրցանակով՝ կինոյում ունեցած երկարատև գործունեության և անմնացորդ նվիրումի համար։ Ինչպես նշված է Կաննի փառատոնի պաշտոնական կայքում, փառահեղ Ժան -Պոլ Բելմոնդոն և ռեժիսոր Ժերար Ուրին ֆիլմերի համար Կաննից մրցանակ չեն ստացել, բայց արժանացել են Cannes-ի Պատվավոր մրցանակին։

Դելոնը շատ դժվար հարաբերություններ է ունեցել Կաննի կինոփառատոնի հետ: Եղել են վեճեր, թյուրըմբռնումներ, ճգնաժամեր, մասնավորապես, «Մեր պատմությունը» ֆիլմի պատճառով: Երկար ժամանակ Դելոնն անտեսում էր փառատոնը: Սակայն, 2013-ին նա վերադարձավ Կանն՝  ներկայացնելով «Վառ արևի տակ» վերականգնված ֆիլմը:

«Ժան Մորոյից, Վուդի Ալենից, Բեռնարդո Բերտոլուչիից Քլին Իստվուդից, Ժան-Պոլ Բելմոնդոյից, Անյես Վարդայից հետո Festival de Cannes-ը հպարտ է և ուրախ, որ լեգենդար դերասանը (կարիերան սկսել է Լուկինո Վիսկոնտիի «Ընձառյուծը» ֆիլմով (Palme d’or, 1963 թ.) ֆիլմով) կարժանանա այս մրցանակին միջազգային հանրության կողմից»-նշում է աղբյուրը։

Փառատոնի կազմակերպիչները մեծ համբերություն և դիվանագիտություն են ցուցաբերել համոզելու Դելոնին, որը «շատ պահանջկոտ է և սիրում է վերահսկել յուրաքանչյուր մանրուք»:


Հասմիկ Հովհաննիսյան․Մեծ ու փոքր արկածներով  եզրափակեցինք փառատոնը

Երևանի «Ոսկե ծիրան» 16-րդ միջազգային կինոփառատոնի շրջանակում այս տարի կազմակերպվեցին բացօթյա ցուցադրություններ, իրականացվեց կրթական ծրագիր, ներկայացվեցին բազմաժանր ու բազմաբովանդակ կինոնկարներ...

|14 Հուլիս 2019,23:34