«Օսկար 2019» մրցանակաբաշխության հաղթողները։ 

«Տարվա լավագույն ֆիլմ» անվանակարգում  մրցանակը տրվել է Փիթեր Ֆարելի «Կանաչ գիրքը»  ֆիլմին։

«Լավագույն օտարալեզու ֆիլմ»  անվանակարգում հաղթող է  ճանաչավել  ռեժիսոր Ալֆոնսո Կուարոնի մեքսիկական «Ռոմա»  ֆիլմը, որը պատմում է 1970-ականներին Մեքսիկայում ապրող սովորական ընտանիքի  մասին։

«Լավագույն ռեժիսոր» անվանակարգում «Օսկարի» է արժանացել Ալֆոնսո Կուարոնը «Ռոմա» ֆիլմի համար։

 «Լավագույն դերասանուհի» անվանակարգում «Օսկարի» է արժանացել  բրիտանացի դերասանուհի Օլիվիա Քոլմանը  «Ֆավորիտուհին» ֆիլմում թագուհի Աննային մարմնավորելու համար։

 «Լավագույն դերասան» անվանակարգում մրցանակը ստացել է Ռամի Մալեկը՝ «Բոհեմյան ռապսոդիա» ֆիլմում  լեգենդար Queen խմբի մենակատար Ֆրեդի Մերկուրիին մարմնավորելու համար։

«Երկրորդ պլանի լավագույն դերասան» է ճանաչվել Մահերշալա Ալին «Կանաչ գիրք» ֆիլմում մարմնավորած դերի համար,  իսկ «Երկրորդ պլանի լավագույն դերասանուհի»՝ Ռեջինա Քինգը «Եթե Բիլ-սթրիթը կարողանար խոսել» ֆիլմում  մարմնավորած դերի համար։

«Լավագույն երգ» անվանակարգում  հաղթող է ճանչվել Լեդի Գագայի «Shallow» երգը, որը գրվել է «Աստղ ծնվեց» ֆիլմի համար։

«Լավագույն օրիգինալ սցենարի» համար մրցանակը տրվել է «Կանաչ գիրք» ֆիլմի սցենարի հեղինակներին։

«Լավագույն օպերատորական աշխատանք» անվանակարգում մրցանակը «Ռոմա» ֆիլմի համար տրվել է  Ալֆոնսո Կուարոնին։

«Լավագույն վավերագրական ֆիլմ» անվանակարգում«Օսկար» է ստացել «Ազատ մենակատարում» ֆիլմը ։

«Լավագույն անիմացիոն լիամետրաժ ֆիլմ»  է ճանաչվել «Սարդ մարդը Տիեզերքի միջով» ֆիլմը։

 

 


    «Ֆրունզիկ Մկրտչյան.Հնդկաստանը հիշում է ինձ» ֆիլմի ցուցադրություն՝ «Մոսկվա» կինոթատրոնում

    Հայաստանի և Վրաստանի,  Հայաստանի և Հնդկաստանի միջև դիվանագիտական հարաբերությունների հաստատման 30-ամյա հոբելյանների շրջանակներում հուլիսի 4-ին՝  «Մոսկվա» կինոթատրոնում կցուցադրվի «Ֆրունզիկ Մկրտչյան.Հնդկաստանը...

    |1 Հուլիս 2022,13:32