Փետրվարի 7-ին՝  դանիացի ռեժիսոր Լոնե Շերֆիգի «Անծանոթների բարությունը» ֆիլմով, մեկնարկեց Բեռլինի 69-րդ միջազգային կինոփառատոնը։ Բեռլինի կինոփառատոնի ժյուրին այս տարի գլխավորում է դերասանուհի Ժուլիետ Բինոշը, որը 1997 թվականին ճանաչվել էր Բեռլինալեի լավագույն դերասանուհի՝  «Անգլիացի պացիենտը» ֆիլմում խաղացած դերի համար:

Այս տարի փառատոնում ներկայացված են  400 ֆիլմեր, որոնցից 17-ը հիմնական մրցութային ծրագրում են։  Իսկ մրցութային ծրագրում տեղ գտած 17 ֆիլմից յոթի հեղինակները կանայք են։

Փառատոնի գլխավոր մրցանակը` «Ոսկե արջը» ավանդաբար շնորհվում է տարվա լավագույն ֆիլմին։ Փառատոնի «Արծաթե արջ» մրցանակը տրվում է հետևյալ անվանակարգերում` «Լավագույն ռեժիսոր», «Լավագույն դերասան», «Լավագույն դերասանուհի», «Լավագույն սաունդթրեք» և կինոյի զարգացման մեջ ունեցած  ներդրման համար։

Հիմնական մրցույթային ծրագրից բացի Բեռլինի փառատոնի շրջանակում գործում են նաև «Համայնապատկեր» և «Նոր կինոյի ֆորում» ծրագրերը, եվրոպական կինոշուկան, միջազգային տեսափառատոնը և մանկական ու պատանեկան ֆիլմերի փառատոնը։

Բեռլինի առաջին կինոփառատոնը բացվել է 1951 թվականի հունիսի 6-ին՝ Ալֆրեդ Հիչքոքի «Ռեբեկա» ֆիլմի ցուցադրմամբ: Այժմ Բեռլինալեն իր հեղինակությամբ հավասարապես  դասվում է Կաննի և Վենետիկի փառատոների շարքին:

 


«Օսկար-91»-ի հավակնորդները՝ մեկ լուսանկարում

«Օսկար-2019»-ի  212 հավակնորդները մինչև մրցանակաբշխության մեկնարկը հավաքվել էին Բևեռլի-Հիլզում` ավանդական լուսանկարի համար։ kinopoisk.ru-ի հաղորդմամբ, մրցանակաբաշխության կազմակերպիչ Ամերիկյան կինոակադեմիայի նախագահ Ջոն...

|6 Փետրվար 2019,12:43