67-րդԿաննի փառատոնում հաղթեց Նուրի Բիլգե Ջեիլանի «Ձմեռվա քուն» ֆիլմը
Թուրք ռեժիսոր Նուրի Բիլգե Ջեիլանի «Ձմեռվա քուն» (WinterSleep) ֆիլմը հաղթեց 67-րդ Կաննի փառատոնում և նվաճեց «Ոսկե արմավենու ճյուղը»:
Իտալացի Ալիսա Ռոռվակերի «Հրաշքը» (TheWonders) նվաճեց նշանակությամբ երկրորդ մրցանակը` գրան-պրին:
Կնոջ լավագույն դերի համար մրցանակը ժյուրին շնորհեց ամերիկացի դերասանուհի Ջուլիանա Մուռին Դևիդ Կրոնենբերգի «Աստղային քարտեզ» ֆիլմում խաղացած դերի համար: Տղամարդու լավագույն դերի համար մրցանակը նվաճեց բրիտանացի դերասան Թիմոթի Սփոլլը, որ խաղացել է գլխավոր` նկարչի դերը բրիտանացի ռեժիսոր Մայք Լիի «Միստր Թըրներ» կինոնկարում:
Ռեժիսորական լավագույն աշխատանքի համար մրցանակը շնորհվեց ամերիկացի Բեննեթ Միլլերին «Աղվես որսացողը» (Foxcatcher) կինոնկարի համար:
Ռուս ռեժիսոր Անդրեյ Զվյագինցևի «Լևիաթանը» ստացավ լավագույն սցենարի համար մրցանակը:
Փառատոնի փոքր «Ոսկե արմավենու ճյուղը» լավագույն կարճամետրաժ կինոնկարի համար շնորհվեց կոլումբիացի ռեժիսոր Սիմոնա Մեսա Սոտոյի «Լեիդի» ֆիլմին:
«Ոսկե խցիկ» մրցանակը շնորհվեց երեք ֆրանսիացի ռեժիսորների` Մարի Ամաշուկելին, Կլեր Բյուրժեին և Սամուել Տեիսին «Տոնական աղջիկներ» (PartyGirls) ֆիլմի համար: Այս մրցանակը տրվում է երիտասարդ կինոգործիչներին առաջին լիամետրաժ գեղարվեստական կինոնկարի համար:
Աղբյուրը` ԻՏԱՌ-ՏԱՍՍ
