լենա«Մոսկվա» կինոթատրոնում հունիսի 13-ին կայացավ «Երկիր մեդիա»  հեռուստաընկերության գլխավոր ռեժիսոր Ջիվան Ավետիսյանի «Ընդհատված մանկություն »   ֆիլմի պրեմիերան: Ֆիլմը ներկայացնում է Մարաղայում ադրբեջանցիների իրականացրած ջարդերն` իրական դեմքերով ու դեպքերով: Ֆիլմի գլխավոր հերոսուհին նույնպես իրական կերպար է: Փոքրիկ Լենան գերի է ընկնում, 129 օր ապրում ադրբեջանցի մի կնոջ տանը, իսկ հետո վերադարձվում հայրենիք: Արցախյան պատերազմի մի հատվածում, գերիների փոխանակման ընթացքում հրամանատար Արթուր Աղաբեկյանը հատկապես պայքարում էր փոքրիկ մի աղջկա վերադարձի համար: Խաղաղ պայմաններում Լենայի պատմությունը մի առիթով արդեն ԼՂՀ փոխվարչապետ Արթուր Աղաբեկյանը պատմել է ռեժիսոր Ջիվան Ավետիսյանին:

«Ընդհատված մանկություն »  անվանումը ֆիլմի հեղինակներն առանց տարաձայանության են ընտրել: Ռեժիսորի համար ընդհատված մանկության դրվագները նաեւ իր մանկության հիշողություններից են. նույն Արցախում ու իր ընկերների կյանքում: Հեղինակները  գլխավոր դերակատարի ընտրության հարցում նույնպես տարաձայնություն չեն ունեցել: Պրոֆեսիոնալ դերասանների կողքին փոքրիկ Լենայի կերպարը մարմնավորել է ռեժիսորի պրոֆեսիոնալ բնազդով ընտրված աղջնակը. «Լրիվ պատահականորեն տեսա նրան, առաջարկեցի խաղալ՝ միայն մեկ պայմանով, որ նա կտրի իր մազերը»:

Հայ-ադրբեջանական կոնֆլիկտն այստեղ ընդամեն այն իրավիճակն է, որի պայմաններում ապրում են հերոսները: Ֆիլմում ներկայացված են ադրբեջանցների կատարած ջարդերը Մարաղայում: Մյուս կողմից` ներկայացված է ադրբեջանցի մի կին, ով մայրական ջերմությամբ պահում է հայ աղջկան: 45 րոպե տեւողությամբ  «Ընդհատված մանկություն »  ֆիլմի հիմքում ընկած է համամարդկայաին արժեքներ, որոնք  ռեժիսորը  ներկայացրել է հտաքրքիր ու նուրբ լուծումներով:

http://www.youtube.com/watch?v=yddKhd9cQgQ

 

 

 


Կինոյի մեծ ընտանիքի հավատարիմ ապաստարանը

Եղիշե Չարենցի անվան գրականության և արվեստի թանգարան, կինոարվեստի բաժին. որքանո՞վ ենք տեղյակ հայկական կինոյին առնչվող մեր հավաքածուներին և ֆոնդերին, դրանց...

, |14 Սեպտեմբեր 2019,00:15